GAÑADORES DO CONCURSO MICRORRELATOS SAMAÍN

No seguinte enlace podedes ver aos premiados do concurso de microrrelatos con motivo do Samaín.

Parabéns aos gañadores e felicidades a tod@ os participantes por amosar a súa creatividade neses relatos tan arrepiantes.

A entrega de premios farase o venres 30 outubro na Biblioteca no segundo recreo. 

¡Noraboa¡

https://drive.google.com/file/d/1Ep4Okl6voMQxsUZMhQtpcQFRwOtNwBBQ/view?usp=sharing

CONCURSO MICRORRELATOS TERRORÍFICOS

 

FUNCIONAMENTO DA NOVA BIBLIOTRASANCOS

Visita a bibliotrasancos e verás que pasou este curso

Imonos xa. Rematou este curso inusual e despedimonos da biblio, pero por corto tempo. En setembro volveremos con moitas actividades novas. 

Aproveitade as vacacións para soñar lendo. Coidadevos en corpo e alma. Descansade, ide a praia a concertos ao cine, lede falade, xogade,  bailade e cantade...amade a vida. Todo do que nos privou este tempo incerto podemos aproveitalo agora.

E apagade a televisión.

Considero que a televisión é moi educativa. Cada vez que alguén prende o televisor saio da habitación e voume a outra parte a ler un libro". Groucho Marx, actor

Club de manga. Resistencia mangante

Vaia cos mangantes! Tiñannos preparada unha sorpresa camuflada na gala de fin de curso do IES Terra de Trasancos. Velaí!

Carvalho Calero. Dias das Letras Galegas 2020

Ilustración: AGAL

No día das letras  a homenaxe tan esperado a Carvalho Calero, mestre, poeta, pai da nosa fala e patria veciño da nosa bisbarra,  queda un pouco deslucido polo confinamento. Sirva este post de reconto, achegamento e baúl de iniciativas para repasar cando voltemos as aulas

Carvalho Calero AGAL , Unidades para o ensino

Exposición Carvallo Calero Ferrol Concello de Ferrol

Ricardo Carvalho Calero. O cabaleiro da orde das Letras Galegas (Abanca Fundación)

Primeiro Poema de Carvalho Calero. Semente Trasancos

Homenaxe Carvalho Calero. Día das Letras galegas 2020. IES Terra de Trasancos

Carvalho Calero. Antoloxía Urxente

Día das Letras Galegas 2020. Carvalho Calero Franciscanas OU

 Luzes, Xornalismo que conta.

Día das Letras Galegas 2020.

De Carballo a Carvalho: percurso pola vida e obra de Ricardo Carvalho Calero. É o título da obra audiovisual  que A Associaçom Galega da Língua está a piques presentar, da man de Arraianos Producións, unha curtametraxe documental sobre a vida e a obra de Ricardo Carvalho Calero. A peza está previsto que comece a circular polas redes sociais no mes de maio.
“A idea era facer unha curtametraxe documental moi divulgativa, pensada para o ensino, para a xente nova, co ánimo de rachar unha barreira xeracional e desacralizar a cultura, facéndoa máis popular”, explica a Nós Diario Aser Álvarez, director da fita.

Si queres ler o artigo completo do xornal Nos pica no enlace

OS LIBROS COBRAN VIDA. DÍA DO LIBRO 2020

Que grandes lectoras e lectores temos no IES Terra de transancos e que dotes de imaxinación e creatividade! Grazas María Fernández polo magnifico traballo e Moitaa Grazas a todas e todos os participantes. Que non decaiga o amor á lectura!

E ti, ¿que libro estás a ler?

Muller nova lendo. Mary Cassat

Queremos celebrar o día do libro da mellor forma posible, lendo e compartindo lecturas. Sabemos que sodes devora libros e máis nestes tempos de confinamento, dende a bibliotrasancos vos propoñemos que nos fagades participes das vosas lecturas contestando a este cuestionario. Para acceder pincha na foto ou ben na pestana do blog "Que libro estas lendo?" ou neste mesmo enlace

Podedes enviar tantos cuestionarios como libros querades compartir e estará aberto indefinidamente. Periodicamente faremos recopilación e escolma dos libros propostos e recomendaremolos neste blog.

A enquisa pode ser  anónima ou  podedes utilizar pseudónimo. Non hai límite de edade e está aberta a todas as persoas que teñán relación co IES Terra de Trasancos:  Persoal docente e non docente xa teña destino no mesmo este curso ou o tivera noutros, alumnado, membros da ANPA..

Cando volvamos a vernos este curso, que volveremos, haberá recoñecemento para as persoas máis devora libros.

Moitas grazas pola vosa participación.

OS LIBROS COBRAN VIDA. DIA DO LIBRO 2020

Dende o  Equipo da Biblioteca queremos propoñervos un pequeno RETO para celebrar o vindeiro 23 de abril (xoves) no que celebramos  o "Día do Libro".

Trátase dunha actividade na que podedes participar PROFES e PERSOAL NON DOCENTE , ALUMNADO e membros da ANPA.
 
O RETO resúmese en tres pasos:

1.- Buscar un libro da nosa casa.
2.- Camuflarnos coa portada (seremos "camaleónicos¡¡¡)
3.- Sacarnos unha foto co móvil (pode ser en horizontal ou vertical)

Esa foto a enviarase aos correos que adxunto a continuación antes do martes 21 de abril.: maria.fdez.brion@gmail.com ou bibliotrasancos@gmail.com
Con todas as fotos faremos unha montaxe e veremos o resultado final o Dia do Libro ( 23 de Abril).

Anímamosvos a  participar...¡¡¡

10 TIPS PARA AFRONTAR O CONFINAMENTO

8M MOSTRA DE LIBROS

As mulleres lemos e escribimos. Lemos para saber, para vivir, para comprendernos e comprender o mundo e por placer. Escribimos para compartir a nosa experiencia, para cambiar o mundo, para facernos un oco nel.

Para conmemorar o Día Internacional da muller, sacamos a todas as escritoras dos seus estantes e as mostramos, para visibilizarnos como creadoras.

Na mostra hai libros sobre feminismo, filósofas, biografías, grandes autoras clásicas, autoras modernas, de novela políciaca, de vivencias de aventuras de libros de viaxe, de literatura xuvenil, comics, fotógrafas e galegas. Porque nada nos é axeno.

Vos propoñemos un reto: poderiades nombrar as mulleres da mostra de libros que mereceron un premio Nobel?

MARZO: EFEMÉRIDES GALEGAS: MULLERES E HOMES QUE NOS REPRESENTAN

MARZO: EFEMÉRIDES GALEGAS: MULLERES E HOMES QUE NOS REPRESENTAN (Galipedia)
2 marzo	1880: nace María Barbeito Cerviño, escritora, socióloga e pedagoga galega
3 marzo	1973, nace Marta Míguez, política e atleta galega na disciplina de xavelina.
4 marzo	1889: nace Francisco Asorey , escultor galego 1945: Francisca Herrera Garrido é a primeira muller en ser nomeada membro numerario da RAG
5 marzo	1888, nace Ramón Otero Pedrayo, escritor e intelectual galego 1936, morre Antón Vilar Ponte, fundador das Irmandades da Fala
7 marzo	1805, nace Juana de Vega, escritora galega 1908, morre Manuel Curros Enríquez , escritor galego
8 marzo	1126, morre Urraca de León, raíña de Galicia, León, Castela e Toledo desde 1109. 1917, morre na Coruña Eduardo Pondal, poeta galego Hoxe é o Día Internacional da Muller, orixinalmente coñecido como Día Internacional da Muller Traballadora.
9 marzo	1695, nace en Vilafranca do Bierzo Frei Martín Sarmiento, considerado un dos pais da lingüística galega. Dedicóuselle o Día das Letras Galegas en 2002 1994, morre Fernando Rey, actor galego nado na Coruña. (n. 1917)
10 marzo	1944, publícase en Buenos Aires Sempre en Galiza, libro de ensaio político escrito por Castelao, considerado a obra canónica do nacionalismo galego. Hoxe é o Día da Clase Obreira Galega,  que conmemora a morte de dous traballadores en Ferrol nun enfrontamento coa polícia franquista no ano 1972
11 marzo	1993, morre Jesús Bal y Gay, compositor e musicólogo lucense
13 marzo	1869, nace na Coruña, Ramón Menéndez Pidal, filólogo e historiador 1918, revolta veciñal contra os excesivos impostos na Feira do Trece (Narón), que remata con seis mortos pola  Garda Civil e tropas de infantería e cabaleiría, ás ordes do tenente Pedro Alcaide.
18 marzo	1885, nace Carlos Sobrino Buhigas, pintor galego (m. 1978). 1891, nace Roberto Blanco Torres, xornalista e escritor galego (m. 1936
20 marzo	1897, morre Felicia Auber, escritora galega Hoxe é o Día mundial da Narración Oral.
21 marzo	Hoxe é o Día Internacional para a Eliminación da Discriminación Racial e o Día Mundial da Poesía
22 marzo	1900, nace Ofelia Nieto, soprano galega 1863, morre Nicomedes Pastor Díaz, político e escritor galego (n. 1811)
24 marzo	1878, nace Gonzalo López Abente, escritor galego.
25 marzo	1990, morre Ricardo Carvalho Calero, filólogo e escritor galego.
28 marzo	1939, o xeneral Francisco Franco conquista Madrid. Catro días despois rematou a Guerra Civil Española. 1966, morre Ramón María Aller Ulloa, astrónomo galego (n. 1878)
31 marzo	1901, nace Fermín Bouza-Brey, escritor galego.

Día de Rosalía

Para celebrar o aniversario do nacemento de Rosalía vos ofrecemos unha presentación dos seus libros "Cantares Gallegos" e "Follas Novas" cunha escolma de poemas. Na biblioteca tamén temos unha mostra dos sus libros e un artigo de Francisco Rodríguez publicado en Sermos Galiza de interes para coñecer a Rosalía gran descoñecida, pouco lida e mal interpretada.

FEBREIRO EFEMÉRIDES GALEGAS E GALEGOS QUE NOS REPRESENTAN

FEBREIRO: EFEMÉRIDES GALEGAS: MULLERES E HOMES QUE NOS REPRESENTAN (Galipedia)
2  de Febreiro	1923, morre Manuel Murguía na súa casa de rúa de Santo Agostiño da Coruña (n. 1833).
3 de febreiro	1878, nace Ramón María Aller Ulloa, astrónomo galego, no pazo de Filgueiroa (Donramiro, Lalín) 1949, nace Amancio Prada, cantautor nado no Bierzo
4 de Febreiro	1893, morre en Vigo Concepción Arenal, intelectual galega
6 de Febreiro	1899, morre Ramón Verea, inventor galego 1995, morre Maruxa Mallo, pintora surrealista galega
9 de Febreiro	1908, morre Clara Corral, poeta galega. 2007, falece Alexandre de Fisterra, inventor do futbolín.
14 de Febreiro	1898, nace Olimpia Valencia, a primeira doutora galega  1914, nace en Barallobre Bieito Cupeiro (m. 1993), mestre e escritor nacionalista galego emigrado á Arxentina.
16 de Febreiro	1919 - 4 labregas foron abatidas a tiros por axentes da Garda Civil na parroquia de Sofán, cando participaban na comitiva para soterrar un neno no cemiterio vello clausurado polas autoridades  2000 morre Suso Vaamonde, compositor e músico galego, nado na aldea de Regodobargo en Ponte Caldelas en 1950.
18 de Febreiro	1972, falece Joaquín Freire de Andrade y Valverde, membro da Real Academia Galega desde 1956.
19 de Febreiro	1914, nace Xosé María Díaz Castro, poeta da Terra Chá. 1992, morre Eduardo Barreiros, enxeñeiro e empresario galego fundador da automobilística Barreiros (n. 1919).
20 de Febreiro	1982, nace Lucía Aldao, poetisa e artista galega.
21 de Febreiro	Hoxe é o Día Internacional da Lingua Materna.
24 de Febreiro	1837, nace Rosalía de Castro, escritora galega.
25 de Febreiro	1967, nace Silvia Bardelás, escritora galega.
26 de Febreiro	2010, morre Rafaela Hervada Carnerero, avogada e directora de radio galega (n. 1917).
28 de Febreiro	1810, nace Nicolasa Añón, campesiña e poeta galega. (m. 1887) 1981, morre en Vigo Álvaro Cunqueiro, escritor galego (n. 1911).