O importante papel da ilustración no libro e na lectura fai que, dende o ano 2014, se veña celebrando en Galicia o Día da Ilustración coa intención de que, ano tras ano, unha figura destacada da ilustración en Galicia reciba un merecido tributo para revalorizar a súa contribución á nosa cultura e á nosa sociedade.
Esta efeméride celébrase cada 30 de xaneiro, coincidindo coa data de nacemento de Afonso Daniel Rodríguez Castelao, figura clave da nosa cultura non só na súa faceta política senón tamén como intelectual, creativo e divulgador que deixou a súa profunda pegada plasmada a través de múltiples formas de expresión: ilustracións, caricaturas e escritos.
Este ano, a figura homenaxeada é o debuxante, caricaturista e humorista gráfico, Álvaro Cebreiro.
No hay comentarios:
Publicar un comentario